«#ОқыЖәнеЖең» онлайн кітап оқу байқауының жеңімпазы
2024 жылғы 20 желтоқсанда «IQostanay» оқушылар сарайында облыстың мәдени өміріндегі маңызды оқиғалардың бірі – II облыстық «#ОқыЖәнеЖең» онлайн кітап оқу байқауының жеңімпаздарын марапаттау салтанаты өтті.
Бұл байқауда Арқалық қаласындағы Абай Құнанбаев атындағы ЖББ гимназияның оқушысы Алмат Лунара Қанатқызы 15-18 жас санаты бойынша ерекше дарыны мен әдебиетке деген қызығушылығын дәлелдеп, жеңімпаз атанды. Ол 100 000 теңгелік сертификатпен, ұйымдастырушылар тарапынан дипломдар мен ақшалай сыйлықтармен марапатталды.
Сонымен қатар, Арқалық қаласының орталықтандырылған кітапхана жүйесінің директоры Дәмет Есенжолқызы байқаудың ұйымдастырылуына белсенділік танытқаны үшін Қостанай қаласы әкімінің алғыс хатымен марапатталды.
Лунараның бұл жетістігі оның әдебиетке деген шынайы ықыласы мен қажырлы еңбегінің жемісі екенін көрсетеді.
{gallery}it11/{/gallery}
