Арқалық қаласының орталықтандырылған кітапхана жүйесі Еңбек күніне орай Еңбек ардагерлері Әбілов Байжан Әмірұлы мен Жақыпбекова Рабиға Шілтенқызымен "Қажырлы еңбек - табыс кілті" атты кездесу кеш өткізді. Мақсаты жастар мен оқушыларға еңбектің адам өміріндегі маңыздылығын, тек еңбек арқылы барлық жетістікке жетуге болатындығын түсіндіру болды. Шара барысында оқырмандар ардагерлердің еңбек жолымен танысып, ғибратты әңгімелерін тыңдап, кеш қонақтарымен сұхбат болды. Ауылдық мәдениет үйінің меңгерушісі М.Абдысалықов кешті музыкалық бағдарламамен көркемдеп, оқушылар қонақтарға өз өнерлерін көрсетті. Шараның қорытынды бөлімінде кітапхана директоры Д.Есенжолқызы сөз сөйлеп, кеш қонақтарына ұжым атынан сый-сияпат табыс етті.
