Арқалық қаласының орталықтандырылған кітапхана жүйесінде "Biblio Kewh-24" атты кітапханашылардың байқауы өтті. Бұл шара кітапхана қызметкерлерінің кәсіби шеберлігін арттыру, бір-бірімен тәжірибе алмасу және кітапхана мәдениетін насихаттау мақсатында ұйымдастырылды.
Байқау 5 кезеңнен тұрып, әр кезеңде кітапханашылар өз білімдері мен дағдыларын көрсетіп, шығармашылық қабілеттерін сынады. Қатысушылар кітапханалық қызмет көрсету, ақпараттық технологияларды пайдалану, әдебиеттану және шығармашылық жұмыс бойынша тапсырмалар орындады.
Іс-шара барысында жеңімпаздар мен қатысушылар марапатталды, оларға арнайы дипломдар мен сыйлықтар табыс етілді. Байқау жоғары деңгейде өтті, қатысушылар мен көрермендер арасында ынтымақтастық және достық атмосферасы қалыптасты. Кітапхана қызметкерлерінің кәсіби біліктілігін арттыруға бағытталған осындай іс-шаралардың маңызы зор.
Кітапханашылардың өнерін, білімін және шығармашылық әлеуетін қолдау мақсатында ұйымдастырылған "Biblio Kewh-24" байқауы келешекте дәстүрлі түрде өткізіліп, кітапхана қоғамдастығының дамуына өз үлесін қосады деген үміттеміз.
