Арқалық әлеуметтік қызмет көрсету орталығында «Мейірімділік – шуағын төккен кеш» атты тағылымды қайырымдылық шарасы өтті. Родина ауылдық клубы мен орталықтандырылған кітапхана жүйесінің қызметкерлері бірлесіп ұйымдастырған бұл кеш ерекше жандарға көтеріңкі көңіл күй сыйлап, жүректерге жылулық ұялатты.
Іс-шара аясында «Шын жүректен кітап сыйла» атты кітап көрмесі ұйымдастырылып, 60-қа жуық әдебиет насихатталды. Әсем әндер шырқалып, қызықты ойындар кештің мазмұнын аша түсті және қатысушыларға ерекше әсер сыйлады.
