Жастарды темекі, арақ, есірткі, СПИД-тің қазіргі таңдағы адамзаттың басты проблемасы екенін, оның зиянды жақтарын түсіндіру, ғасыр дертіне айналып отырған
кеселдердің залалын жан-жақты меңгерту, зиянды заттардан барынша аулақ болуға шақыру, сана-сезімдерін дамыта түсу мақсатында Арқалық қаласының Орталық кітапханада қылмыстық жазасын сыртай өтеп жатқан құқық қорғау органдарында есепте тұрған тұлғалармен жұмыс жүргізу мақсатында «Нашақорлық – ғасыр дерті» тақырыбында дөңгелек үстел басында кездесу болды. Родина ауылының аурухана фельдшері Бейсенова Гүльжанат Тұраровна және ауылдық полиция инспекторы Ешмагалиев Аманкелді қатысты. Іс-шараға қатысушылармен мынадай сұрақтар бойынша пікірлестік:
- Маскүнемдерді, нашақорларды емдеуге байланысты қалада (ауылда) қандай мәселелер бар?
- Бұл жағдаймен қандай әлеуметтік қызметтер айналысуға тиіс?
- Жасөспірімдер алкоголь мен есірткеге құмарлықты жеңуде өз құрдастарына көмектесе ала ма?
- Не себептен жасөспірімдерге көмек сұрау және бөгде біреудің көмегін қабылдау қиынға түседі?
- Салауатты өмір салты дегеніміз не?
Кітапхана қонақтарына «Есірткі-ғасыр дерті» тақырыбында кітап көрмесі құрылып шолу жасап , «Біз бірге оқимыз» акция аясында келіп жатқан жаңа кітаптарға шолу жасалды.
Осындай рухани-әлеуметтік кеңістік құру арқылы жасөспірімдер арасындағы нашақорлықты және т.б. рухани дерттерді жойып, саналы ұрпақ тәрбиелеп бірлесе жұмыс атқаруымыз қажет. Олай болса біздің бүгінгі басқосудың мақсаты - жат қылықтардан аулақ болуға тәрбиелеу және салауатты өмір салтын насихаттау болды.
Д. Құсайын Кітапхана директоры