Арқалық қаласының орталықтандырылған кітапханасының балалар бөлімінде «Су – тіршілік көзі» тақырыбында танымдық іс-шара өткізілді.
Шара барысында оқырмандар судың адам өміріндегі маңызы, оны үнемдеу және қорғау туралы қызықты мәліметтермен танысты. Балалар су туралы өз ойларын ортаға салып, суда тіршілік ететін жануарлардың суреттерін бояп, шығармашылық қабілеттерін шыңдады. Танымдық әрі қызықты өткен іс-шара оқырмандардың табиғатқа деген сүйіспеншілігі мен қызығушылығын арттырды.
