Арқалық қаласының орталықтандырылған кітапхана жүйесі ауыл кітапханашыларына арналған «Виртуалды кеңістіктегі ақпараттық мәдениет» атты әдістемелік зерделі кеңесі өткізді. Аталмыш семинарға ауыл кітапханашылары белсенді ат салысты. Орталық кітапхананың әдіскері Л. Баяхметқызы «Ақпараттық қоғам және интернет» тақырыбында мазмұнды баяндама жасады. Әлеуметтік желілердің маңыздылығы оның кітапхана саласында дұрыс пайдалана білу мақсатында оқу залы бөлімінің кітапханашысы С. Мұратқызы практикалық баяндама ұсынды. Жинақтау және өңдеу бөлімінің кітапханашы М. Мейрамбекқызы кітапханашыларға арнап тренинг өткізді. Тренинг – кітапханашылардың білімділігіне және тапқырлығына арналды. Библиограф А. Құрымғалиұлы заман талабына сай, кітапхана жұмысын түрлі әлеуметтік желілерде жандандыру үшін «Мобилография және қосымшалар» тақырыбында баяндама жасады. Телефонды пайдалана отырып сурет/бейнебаян түсірудің және ол бейнебаяндарды өңдеу жөнінде ақпараттар ұсынды.
Зерделі кеңестің қорытынды бөлімінде ауыл кітапханашыларының ішкі жұмыстары талқыланып, ұсыныстар мен түзету жұмыстары қаралды.
