«Абай - ұлт биігі»

«Арқалық қаласының орталықтандырылған кітапхана жүйесі» абонемент бөлімінде «Қазақ әдебиетінің жарық жұлдыздары» атты тұрақты көрме жасақталды. Бұл көрме ұлы қазақ әдебиетінің дара тұлғаларының шығармашылығына арналып, биылғы жылдағы мерей той иелерінің шығармалары мен әдеби кітаптарын қамтиды. Көрмеде қазақ әдебиетінің классиктерінен бастап, қазіргі заман жазушылары мен ақындарының шығармашылығы да көрсетілуде, осылайша ұрпақтар сабақтастығы мен әдебиеттің дамуы көрсетіледі. Сондай-ақ, «Абай – ұлт биігі» атты Абай Құнанбаевтың 180 жылдығына арналған арнайы кітап көрмесі ұйымдастырылған. Бұл көрмеде қазақтың ұлы ойшылы, ақыны әрі философының шығармалары мен өмірі жайлы мағлұматтар жинақталған. Абайдың поэзиясы, қара сөздері, музыкалық шығармашылығы мен философиялық тұжырымдамалары туралы терең білім беретін кітаптар мен зерттеулер ұсынылған. 
https://www.instagram.com/reel/DFUt9T6oKyo/?utm_source=ig_web_copy_link&igsh=MzRlODBiNWFlZA==